Ang Iglesia Ni Cristo ay naninindigan sa banal na kaisahan. Ito ay lubos na pagkakaisa dahil ang nagkakaisa ay ang Diyos, si Cristo, at ang Iglesia (Juan 17:23, 21).

Tinutupad namin ang kaisahang ito sa pangalan ni Cristo, sa kaluwalhatian ng Diyos (I Cor. 1:10; 10:31). Ang pagkakabaha-bahagi o pagkakampi-kampi ay mahigpit na ipinagbabawal sapagkat si Cristo ay hindi nahahati. Ang pagkakampi-kampi at pagkakabaha-bahagi ay nauukol sa lupa, sa laman, at sa diablo (I Cor. 1:10, 13; Sant. 3:14-15).